Kaupapa: Elections

Ko te Pāti Mana me Pāti National ki tautohetohe o Helensville

Kua karangatia ngā roia, kua whakatakotoria ngā wero - koinei kua hua ake i tēnei rangi i te Pāti Ipurangi me Nāhinara, i mua tonu i te tautohe a Laila Harre me John Key ā ngā haora tata nei. Tūturu, e matapaetia ana ka papā te whatitiri, ka hihiko te uira i te tautohe tōrangapū mo te rohe pōti o Helensville, waihoki te turu Māori o Te Tai Tokerau.

Inatata nei, i tū tētahi konohete a Ipurangi Mana, heoi i reira, i rere ngā kupu kangakanga, ngā kōrero whakahāwea mo te pirimia a John Key, he mea whakatairanga a muri ake na Kim Dotcom. Inaianei kua puta tenei whitiahua o etahi rangatahi e tahuna ana i tetahi whakapakoko o John key.

E whakapono ana te kaiwhakahaere o te tautohe i waenganui i ngā mema o Nahinara raua ko Mana Ipuranga, ara i waenga i a Leila Hare raua ko John Key, he raru nui pea kei te haere a te pō nei ina ngā tohe o te wā, na whai anō te maro o ana ture.

Kāti, ka tutū hoki pea te puehu i ngā kaitono o Te tai Tokerau ina ngā tata a Kelvin Davis ki a Hone Harawira i tera wiki.

Ae marika kei te wera haere te kōwhiringa pōti, a, e ono wiki tonu e toe ana o te whakataetae.