Kaupapa: Politics

Ko te hiahia a Te Rōpū Kākāriki kia taurite te tū o ngā tūru Māori

Talisa Kupenga

E karanga ana te Kaiārahi Takirua o Ngā Kākariki, a Marama Davidson kia whakakorea te ture e tukua ana mā te whakataunga pōti ā-iwi ngā tūru Māori anahe e whakatū ki ngā Kaunihera ā rohe.

Hei te Haratua, e rima ngā rohe ka whakatū whakataunga pōti ā-iwi mō tēnei take, ā ko te matapae, ka whakakorea e taua whakaritenga, ngā whakatau a aua kaunihera ki te whakatū tūru Māori motuhake ake.

Ko te hiahia a Te Rōpū Kākāriki kia taurite te tū o ngā tūru Māori.

Hei tā te Kaiārahi Takirua a Marama Davidson, he kaupapa kaikiri kei te haere.

Inā kei te rata a Nahinara ki ngā ture o inaeanei

Ko tā Simon Bridges Kaiārahi o Nāhinara, ka tautoko ia i ngā wāhi whai tūru Māori me ngā rohe tūru Māori kore.

Ko tā Davidson, ahakoa ka kaha tautokohia ētahi o ngā kaunihera i ngā tūru Māori nei, ko te raru kē, ka aukatingia e rātou.

Kei te mahi tahi a Davidson ki te taha o te Minita Take Kaunihera a Rohe a Nanaia Mahuta kia tu maro te kaupapa.

Ko tāna, “kua whakatakoto e ia ona tino wawata e pā ana ki ngā tūru Māori ki ngā Kaunihera. Ko tāku ki a ia māku e rapu ngā kōrero mai taku tari kia whakatakoto i mua i te aroaro o te Kāhui Minita mā rātou ano e whakaarohia."

A tēra marama ka whai pōti nga hapori ki Te Papaioea,  Kaikoura, Manawatū, Te uru o Te Moana a Toi, me Whakatāne  mena ka hāpaitia e ratou nga whakaaetanga a ngā Kaunihera kia tū he tūru Māori.

Ko tā Davidison, he hiahia nōna ki te whakakore i taua aheinga, kia pōti noa ngā kaunihera.

Mēna ka ahei te whakarerekē mai te ture kia whakatūhia he tūru Māori ki Te Kāunihera a Rohe o Tāmaki ka pēhea Te Poari Māori Motuhake inā te pātai nui.