Kaupapa: BUDGET

Ko tā Harawira "he kongakonga mo ngā tamariki"

I a Nahinara e whakatairanga ana i ngā hua pai o te tahua pūtea i tēnei tau, ko tā te Āpetihana kāore anō rātou kia āta whakarite kaupapa, he pūtea rānei hei hāpai i te oranga o ngā tamariki me ngā whānau rawa kore o te motu.

He pūtea hōu kua tohaina ki ngā rāngai mātauranga, whare, hauora hoki, heoi ko tā te kaiārahi o te Rōpū Mana a Hone Harawira, e rapu taunakitanga ana mō tāna pire whāngai tamariki, kua huri tuara te Kāwanatanga ki ētahi hiraunga hei whakamāmā i te taumahatanga e mau ana i te tokomaha o ngā tamariki i tēnei motu.