Kaupapa: Elections

Ko Ngaire Button te māngai mā te Pāti Māori ka whakataetae mo te tūru o Te Tai Tonga

Ko te koromatua tuarua o mua mō Ōtautahi, ko Ngaire Button te kaitono kua whakapuakitia e Te Pāti Māori ka whai i te rohe pooti Māori o Te Tai Tonga i tēnei tau kōwhiringa pooti.

E whai ana tēnei i te aranga ake anō o Te Hāmua Nīkora inapō hei kai-tono mā te roopu Mana ki Ikaroa-Rāwhiti.

Ehara te kaitono mo te Paati Māori i te tauhou ki ngā take nui kei te aroaro o ngā kaipooti o Te Tai Tonga. Koia te koromatua tuarua i te Kaunihera Matua o Otautahi i te wā o ngā rū whenua nui.

Tuturu he whakataetae nui kei te haere i waenga i a Ngaire Button me te mema paremata o te wā me Rino Tirikatene.

Heoi, karekau te uri o Tuhoe me Ngati Porou i te wehi ki te ingoa rongonui o Tirikatene e mohiotia ana i te ao tōrangapu.

Ki rohe kē atu, hei ta Te Hamua Nikora ko te kore puta mai o te hunga pooti te take karekau ia i wikitoria i te kōwhiringa motuhake ki Ikaroa-Rāhwiti i tera tau - ka mutu koia te aro nui māna.

Ko tā Te Hamua, “Kaore au i toa engari, kaore au i hinga. He tuatahinga tēra mōku, kaore te iwi i haere ki te pooti, noreira ko taku he akiaki.”

Kua tata ki te kotahi tau te mema o te wā a Meka Whaitiri ki te Whare Paremata, hei ta Te Hāmua Nikora kua haere tonu hoki āna mahi ki te rohe pooti - matua ra ki ngā take ACC me ngā tarukino whakapoauau.

Kāti hei tēnei Ratapu whakatauria e Mana pena ka hono tahi ia me te Pāti Ipurangi, kahore ranei. E ai ki a Te Hamua Nikora he maha ake ngā painga i nga kore painga.