Ko ngā wero a ngā kaitōrangapū i Rātana, ka tohua ki te āhua whakahirahira o te tau

Ko te whakarauikatanga o ngā mema pāremata ki te hui whakanui ki Rātana te timatanga o te tau tōrangapū, ā, na ngā tini wero i puta i te rangi nei, ko te āhua ia he tau nui e haere ake nei.

Nā te Kīngitanga te wero tuatahi ki ngā kaitōrangtapū. 

Ki tā Rahui Papa, “Hei aha noa iho nei te kōrero i te ata ki a rātou te kōrero i te ahiahi ki a mātou, te kōrero i te taiawatea ki ētahi atu, kia kotahi rā te kōrero, kia kotahi rā te whakarongo atu o te ao Māori ki ngā kōrero o te ao tōrangapū nei.”

He wero hoki tā rātou ki a Gareth Morgan.

Hei tā Papa, “Karaiti Morgan, pai karaiti e hoa mā, he Pākehā tērā e haere ana te tohutohu i a tātou. E kī māna tēnā kōrero.”

Ae ko te īngoa o Hone Harawira tērā, ahakoa ko tēnei poraka ana i tae mai.

Ā noho tonu ana ki Te Titiri he wero anō tā ngā Kākāriki.

Nā te takaroa o te wā, i aminehia te īnoi a te hau kainga kia kotahi anake te pōhiri mā ngā kaitōrangapū.

I tae mai hoki te mema o mua a Kahurangi Tariana Turia, ā, ahakoa i riro tana turu ki te Rōpū Reipa e kore te kairahi takirua mō te tuohu.

E ai ki a Te Ururoa Flavell, “He take rānei o te tuku i tō pōti ki te hunga noho taeapa, ki te hunga noho rānei ki tua o te pae, rānei me tuku i tō pōti ki te hunga ka taea te whakatika i ngā mahi a te kāwanatanga. Koina te wero nui.”

Ae mārika kua pako te pū ki te tau tōrangapū.