Ko ngā pākihi pakupaku me ngā kainga hapori te aro i ngā kauhau ā-motu

Ko ngā pākihi pakupaku me ngā kainga hapori te aro i ngā kauhau ā-motu a te Pirimia a John Key raua ko te kaiārahi o te Rōpu Reipa a Andrew Little.

Koia ngā kauhau nui tuatahi a te tokorua rā i tēnei tau.

I te mutunga o tērā i puta kaha mai a Andrew Little i roto i te whare me te kaha wero i a John key. Mai i taua wā kua kaha kōrero ia mō te kaiārahi hou, otirā, te wero hou te haramai nei ki te Pirimia.

Heoi he whakaharatau tonu te mahi mā Little, ki te hiahia turaki ia i te pukenga a John Key.

Nā Andrew Little ngā kauhau i kōkiri, heoi, ehara i te mea he kōrero hou.

Heoi, i taurite a John Key, arā, kī ana i ngā taipitoito. Ko te whakawhiti i ngā whare hapori ki ngā ratonga a iwi te aro.

Ka piki ngā moni āwhina reti mā te toru mano, he whā tekau miriona te utu ia tau.

He haurua miriona ka whakaurua inaianei ki ngā take kainga ohorere.

Ā, he toru mano anō ngā tūranga kainga ka whakaritea.

Heoi, e ai ki te hunga whakahē he mahi hoko rawa a motu. Kei te piki haere hoki ngā arotakenga noho whare kaporeihana mā te toru mano.

I a Reipa hoki ōna anīnītanga, ko ngā pākihi pakupaku te aro, engari e hiahia tonu ana rātou ki te whakakore i te ture kaimahi iwa tekau rā me te whakapiki i ngā utunga tīmata.

Āpiti atu, ko tana whainga nui kia eke a Aotearoa ki te tūranga tuatahi o te ao mō te hunga kore mahi.

Ae mārika kei te a, e, i, o, u, tonu a reipa.