Kaupapa: Elections

Ko ngā kanohi Māori hōu o Reipa e tu pakari ana

Kāti ko ngā kaitono Māori o Reipa ka whai waahi nui ki te pakanga kowhiringa pōti. Ka mutu ko te reanga hou e ara mai ana i waenga tonu i te rōpū.

Hei tā Peeni Henare, "Ta ratou e hiahia ana kia rongo atu i ngā kaupapa. Ko te hiahia ko ngā Māori e mata ana i ngā kaupapa o te pāti nei, koia hoki tetahi o ngā wero nui ne."

Hei tā Nanaia Mahuta, “Kei waenganui i a rātou ngā pukenga ki te kawe kōrero kawe kaupapa, whakahoutia ngā whakaaro kei waenganui i a Reipa e pā ana ki nga iwi Māori.”

I ngā marama tata nei kua tino ngoikore te Rōpū Reipa i roto i ngā tatau pōti, heoi, e whakapono tonu ana āna kaitono Māori kei reira te tautoko. 

Hei tā Rawiri Waititi, "Kare au mō te maharahara mō ena whika, kare rātou mō te waea atu ki ngā kainga mapori kare rātou mō te waea atu ki ngā tangata kaha ki te pōti mō Reipoa kei te waea atu ki a rātou hoa."

Hei tā Willow-Jean Prime, “Tino harikoa ana ahau ki te kite i te tokomaha o ngā Māori e tū ana mō te Paati Reipa i roto i ngā turu Māori i roto i ngā turu auraki hoki.”

Ko tētahi tauira e taea ai ngā tatau pōti te takahuri ake ko Bill Shorten, kaiarahi o te Rōpū Reipa ki Ahitereiria. Kei mua ia me tona paati e hāere ana ki te kawanatanga o Tony Abbott ma te tekau orau. 

Ka mutu i ata kōrero ia ki ngā mema Māori o Reipa mō te ara e piki ake ai ngā kanohi iwi taketake ki te whare paremata.  

Kāti, ahakoa te reka o te kauhau a David Cunliffe ki ana kaitautoko, ma te rata atu o ngā kaipooti ki ngā kaupapa penei me te whakaiti i te rahi o ngā akomanga e kitea ai pena ka pae tu pae hinga ranei a Reipa i te ringi hei te rua tekau o Hepetema.