Kei te Te Rūnanga Whakakotahi i te Ao ngā kai-atawahi whenua o Ihumātao

Te Kuru o te Marama Dewes

Kua whiti atu te rōpū SOUL, he rōpō atawhai whenua, ki Te Rūnanga Whakakotahi i te Ao ki Geneva, ki reira ka whārikihia e rātau ngā māharama mō te kaupapa hanga whare a Fletchers i runga i ngā wāhi tapu.

Hei te pō nei ka tū te māngai o SOUL a Pania Newton, ki te aroaro o Te Rūnanga Whakakotahi i te Ao, ki te whai tautoko kia whakahokia mai te whenua ki te hunga o ngā iwi whai whakapapa ki ēnei whenua, e paehere ana ki te hītori ki ngā tikanga, ōna uara ā-ahurea otirā, kia tū motuhake ai hei wāhi tūmatanui mō ngā reanga e whai ake ana.

Kia whiu te pātai kia a Pania Newton mēnā kei whakaponoka whai hua rātau i tētahi taunakitanga, ko tāna whakautu, “Ko te whakamāratanga a Pānia, kei te whakamahia tēnei rautaki ki Aotearoa ki ngā take whenua maha, me te aha, ka nui ake te mana o ngā taunakitanga nei. Āpiti atu ko tāna, he huarahi anō kei tua atu i tēnei nā, ka mutu, ka whawhai tonu rātau, kia whai tautoko tēnei nā kaupapa.

Kei te noho wahangū a Phil Twyford i tēnei wā nā te mea kei rō kōti Taiao. Heoi anō, mōhio ana tātau i a ia noho hei āpitihanga ki te Kāwanatanga ō mua, koia tonu tētahi i tino whakahē i tēnei kaupapa.

Hei tā Fletchers, he kotahi rau rima tekau tau ēnei whenua e pupuritia ana hei whenua tūmataiti, ā, ehara i te wāhi tūmatanui. Tāpiri atu ki tērā, inā oti oti ake ngā whakaritenga ā-ture ka timata tā rātau mahi kāenga.