Kaupapa: Te Reo Māori

Kei te tatari tonu Mātau! – Reipa

updated Heta Gardiner

Kei te hōhā te mema pāremata mō Tāmaki Makaurau a Peeni Henare, i te takaroa o te kōkiritanga, o te pire reo Māori Te Mātātai, kua noho puehu ki te whare, mō ngā tini marama.

E ai ki tēnei kaitōrangapū hōu, te tamaiti o te heamana o mua o Te Taura Whiri, te koroua katahi anō ka mene atu ki te pō a Erima Henare, “Kua pahure te kotahi tau te pire nei i mua i te aroaro o tēnei whare nei…….Ko te tatari tonu mātau.”

Nā te Minita Take Māori o mua a Pita Sharples tēnei pire i kawe ki te whare pāremata i tērā tau, ēngari nā te Minita Whakawhanake Māori hōu a Te Ururoa Flavell, tētahi rōpū whiriwhiri i whakatakoto, ki te āta titiro ki te kiko o te pire.

I tuku te rōpū i tō rātau ripoata whakamutunga ki te minita i tēnei wiki, nōreira hei āwhea, tēnei manu ka rere? Te Kāea 5:30pm.