Kei te pukuriri te rōpū Kakariki mō ngā rerekētanga ki te Komiti Whāiti mō Ngā Take Māori

E noho pōraruraru ana te rōpū Kakariki mō ngā rerekētanga ki te Komiti Whāiti mō Ngā Take Māori, me te kī ake nō te Kāwanatanga o Nāhinara te hē. Kua noho wahangu te Rangatira o te Whare, a Gerry Brownlee i tenei take, engari e rapu whakautu ana a Metiria Turia.

He tokomaha ngā toki Māori o Te Ao Torangapu e noho ana ki tēnei tēpu, ā e ai ki ngā Kākāriki kua riro to rātou mana.

Kua noho a Metiria Turei ki taua komiti rā, ā, hei ko tāna nā te rōpū Nāhinara ānei rerekētanga i whiu. Ā, he mea ohorere te whai tūranga a te mema hou a Nuk Korako hei heamana o te komiti.

“Tona mutunga ko te pōti i tū I te kōmiti Māori, i toa a Nuk, kit e kote ia i toa….engari i toa waiho ki reira.”

E ai ki a Te Ururoa Flavell, kaare he raru ki a ia, engari he wero ano a Metiria ki a ia.

Hei tā Te Ururoa Flavell, “He pērā anō te āhuatanga i tēnei wā. Ahakoa ko wai te minita ka taea e ia te whakatikatika i te pire kia taea te whakatikatika i te pire kia tae ate whakatinana ki tāna e pīrangi nei.”

Ā ko te pirangi a te Minita hou nei, kia kaua tana waka e kotiti haere, engari kē kia noho tika tana rere.

Ki tā Flavell, “Kei te whakanuia e rātou i tēnei take mo te korekore noa iho.”

Ā, hei aha atu māna ngā amuamu a te Rōpū Kākāriki.