Kaupapa: Prison

Kāre e whakaaetia kia hoki tētahi mauhere tāne i Christmas Island ki Aotearoa

Heta Gardiner

Kei te whakahau te whāea o tētahi mauhere Māori kei Christmas Island, kāore te kāwanatanga i te whakaae kia whakahokia tāna tama ki Aotearoa. 

E ai ki ngā kāwanatanga o Aotearoa, o Ahitereiria hoki, mēnā kei te hiahia tētahi tangata nō Aotearoa ki te hoki ki te kāinga, ka whakaaehia wawetia taua tono.  Ēngari kāore i pērā. 

He kī taurangi mai i te pirimia ake - e wātea ana ngā mauhere nei ki te wehe i Ahitereiria.

Ēngari, e ai ki te māmā o tētahi mauhere i Christmas Island, he kupu pūwhāwhā noa. 

Anei te whakaahua whakamutunga, mō Ana Head me tana tama a Pita Mclachlan, i mua i tana mauheretanga. 

E ai ki tana whāea i tana rongo kei te ahu atu ia ki reira, i tono wawe ia, kia tukuna kē ia ki Aotearoa, he mataku nōnā ki taua whare herehere. 

Tata ki te wiki kotahi ia e tatari ana ki te mau atu i ngā pepa wehe, aa ko tā rātau, neke atu i te kotahi marama pea ia e tatari ana, kia whakaritea tikatia ngā pepa. 

He taumahatanga, kei te pā atu, ki te whānau katoa.  

Kei te whanga te whānau ki te whakarite rōia, ki te āwhina i a rātau.