Ka whakatakoto pire a NZ First hei awhi i ngā kai-pāmu e pokea ana

I te nama ahuwhenua e noho ana i te $54 piriona, kua whakatakoto pire a NZ First ki rō pāremata hei awhi i ngā kai-pāmu e pokea ana, kia kore ai rātou e mate i te tangohanga. Hei tā te Mema Pāremata Rārangi, a Ron Mark, he whakatipuranga kai-pāmu e tūpono hinga atu ana, ā mā ngā kai-pāremata te mānuka e hiki, kia kore ai e pērā.

"Kei raro e putu ana ngā utu miraka kau, ā i tēnei wā kāre e kitea ana ētahi tohu mō tōna orange ake anō, nā te totohe ki Rūhia/Ukraine e whakakotiti ana i ngā piriona rita o te miraka o Ūropi. Ko ngā whakaritenga mō ngā rēme e heke ana, ā ko ngā rohe o Aotearoa e pākia ana e te tauraki, mātua rā a Waitaha" te kōrero a Mark.

Mā Te Pire Tangohanga e here i te kaupapa Banking Ombudsman Scheme ki te whakahaere i ngā Whakaritenga Whakatika Nama Ahuwhenua. Mā te pire anō e tango atu ngā aukatinga ā-utu mō ētahi utu rānaki i raro i taua kaupapa.

"I tēnei wā he nui ngā kai-pāmu me ngā kai-miraka kua whai pūtea taurewa i te rārangi hihiwa e noho taumaha ana.

Ko te pūrongo Pūmatanga o te Tahua a Te Pūtea Matua e whakaatu ana i te takiwā o te tekau mā rua rau o ngā kai-pāmu kau e noho nama ana, he $10 piriona te nui."

Kei te kai-kōrero take tōrangapū o Te Kāea, kei a Maiki Sherman te roanga atu o ngā kōrero me te tau pēhea o ngā pakihi ahuwhenua Māori hei te 5:30pm.