Ka tuku tono pea a Jones hei kaiārahi mo Reipa

Kare a Shane Jones o Reipa mo te whakaae mo te whakahe rānei mena ka tuku tono ia mo te tūranga kaiārahi, kua whakawaateahia e David Shearer.

Ko tāna ki a Te Kāea he tūranga tēra mo tētahi tangata kaha rawa, ahakoa kaore ano i a kia kōrero ki tōna pati, kei reira tonu te whakaaro mēna kei reira te tautoko mōna.

I kaha whakaheetia e ia te kōrero a Tau Henare o Nahinara me te kii kare he tangata kaha rawa ki roto i a Reipa ka tāea te turaki i a John Key i te pooti a motu kei te heke mai.

Ko tāna ano hei te whakataunga o tēnei ahuatanga ka aro te titiro ki te whakamana i te tūnga o Reipa ki wāenganui i ngā kaipooti o te motu.