Ka noho tonu a Len Brown hei Koromatua

Kua mau tonu i a Len Brown tona torona tapu. 

Mauri tau nei te noho a Len Brown, ki waenga i ngā ringaringa o tona whanau, i te whakapuakitanga o tana karere pai ki te Ao Papaoho 

Tona kōtahi rau wha tekau mā waru mano ngā pooti i riro i a Brown, ko John Palino i tae tuarua mai, kei te takiwā o te iwa tekau mano te tātau o ana pooti. 

Heoi ano ra, ko te tokoiti o te hunga i puta ki te pooti, he 34 paiheneti noaiho, he awangawanga nui.  Hei ta Brown, ka kawea ake ra e ia te wero i whakatakotoria e ngā Marae o Tamaki Makaurau, kia māro ake te tu a te koromatua e pa ana ki nga ture Waipiro

Ka mutu hei ta Brown, e anga whakamua ana ia ki te mahi ngatahi me te Poari Māori Motuhake a Ture o Tamaki Makaurau.