Kaupapa: Elections

Ka mahi tahi te Rōpū Conservative ki ngā rōpū tōrangapū Māori

Whai muri i te putanga ake o ngā nawe a ētahi mātanga tōrangapū, kaitorangapū Māori hoki, mō ngā kaupapa whakatairanga a te Rōpū Conservative, i uiui tā mātou karere a Harata Brown i te kaiārahi o te rōpū, kia kimi ake i te take e wawata ana rātou ki te turaki atu i ngā ture e hāngai ana ki ngā iwi motuhake, mātua rā, te iwi Māori. 

Tūtaki mai ki a Colin Craig, te kaiārahi o te Rōpū Conservative.

Ko tā rātou e kauhau ana, kia kōtahi te ture mō ngā tāngata katoa o Aotearoa.

Ko te Rōpū Conservative tērā e wawata ana kia whakakorea ngā tūrū Māori i te Whare Paremata

Hei tā Colin Craig, kua tae ki te wā kia tō te rā ki te Taraipunara o Waitangi, me ngā kereme tiriti, whakataunga tiriti hoki, ā, ko ngā nawe o mua, he kaupapa mō nehe.

Engari kīhai a Craig mō te whāki he aha kē te rongoa mō te anga whakamua mai i ngā whakataunga tiriti 

Ko ngā whakataunga tiriti ērā, e kore e kake ake i te toru paihēneti o te nui o ngā mahi raupatu ki te Māori. 

Hoino, hei tā te kaiārahi o te Rōpū Conservative, e tuwhera tonu ana ōna tatau ki te kōrero tahi me ngā rōpū tōrangapū Māori.