Ka kōrero a Winitana ki ngā whānau pani o te ruawaro Pike River tōmua i ngā kōrero tōrangapū

Te Kapa ā-Tihi - Rereātea

Tōmua i tā Winston Peters kōrero tahi ki a Bill English rāua ko Jacinda Ardern i tēnei rangi, ka tūtaki atu ia ki ngā whānau o te hunga i mate i te rua waro o Pike River.

Ka noho tahi ia ki a Bernie Monk, te pāpā o tētahi o ngā tāne i mate, ki te whakaū i oati kia kuhuna te rua waro e te tangata.

Hei tā Peters, mēnā ka hiahia a Reipa, a Nāhinara rānei ki te piri tahi ki a Aotearoa Tuatahi, me noho pū tēnei take hei whakamaunga kōrero. He rua tekau mā iwa katoa ngā tāne i mate i te pahūtanga i te rua waro o Pike River, he whitu tau ki muri.