Kaupapa: Politics

Ka honohono pea ngā rōpū tōrangapu Mana, Māori hoki?

Kāre te rangatira o te Rōpū Mana, a Hone Harawira me te kaiārahi takirua o te Pāti Māori, a Pita Sharples mō te whakahē i te hononga tahi pea o ā rāua rōpū e 2 hei ngā rā kei tua.

Hei tā Harawira, ka taea e ia te mahi tahi anō me te Pāti Māori, heoi me whai tūranga kaiārahi a ia, ā, me wehe hoki te Pāti i tāna kawenata tuku pōti ki a Nahinara. 

I roto i te ao tōrangapu, kaua e kii, e kore rawa.

Ko te kōrero hōu e kite ana ko te whakakotahitanga o tētahi Pāti Mana Māori, ā, hei tā ngā kaiārahi, koia tētahi huarahi.

Hakoa ngā tūāhuatanga ō mua, e puare ana a Harawira.

Engari, me te kite i a Sharples e mea ana, me noho tahi ngā taha e 2 i te tuatahi, he aha kē te ingoa mō te Pāti?

Hoino e mea ana te kaiārahi o te Rōpū Mana ki te piri atu te Pāti Māori ki a Mana, ko ia hei kaiarataki.

Āpōpō e matapae ana ka puta mai te Pāti Māori ki Rātana, koia ko te wā tuatahi kua puta a rōpū mai, mai anō i te pupunga mai o tēnei taukumekume.

Kahore e kore ko te hiahia a ngā kaitautoko, kia mōhio mehemea he hononga kei te huapae.

Kairīpoata:  Harata Brown