Kaupapa: Politics

John Key - How will Māori remember him?

No reira ka pehea tatou e whakamahara atu ki nga mahi a John Key hai Pirimia? Kia titiro ake tatou ki ana mahi inaianei, mai i tana mahi whakahoahoa i a Barack Obama, ki nga mahi ponygate, tae noa ra ki nga tautohenga i waenga i nga paati torangapuu i a ia e arahi ana i tona kapa.

Hei tā te Pirimia i tana ekenga ki tūranga rangatira o Nahinara, "Māori are the tangata whenua  and we have nothing to fear by acknowledging that."  

I eke a John Key ki te tūranga Pirimia whai muri i ngā tau e ono hai kaitorangapū

I whakaae te Pāti Māori i taua wā i runga hoki i te pōhēhē, ki te tautoko i a Nāhinarā, mai i reira ko rāua tērā kua mahi tahi hai kāwanatanga

Ki te taha o ngā take Māori, he maha ngā take kua hua mai, pēnei i te kaupapa o  Whānau Ora, ngā taumata kura me ngā kura motuhake. Kei te whakahoungia hoki i te tari o CYFs,

I whakamana hoki te kāwanatanga i a Ngāi Tahu me ngā mahi whakahaere kaupapa i Te Waipounamu whai muri i te rū i te tau tekau mā tahi. Nō rātou te mana whakahaere pēnei i te kaunihera ā rohe.

Heoi i roto i ngā wāhanga tōrangapū e toru, kaare ia i whakaae kia whakaturea te reo Māori hai kaupapa mātua tutuki i roto i ngā kura.

I tērā tau ko ia tērā i kitea katoatia i runga i ngā whārangi pāpaoho mo tana mahi whakaparahako i te reo Māori i tana haerenga ki te Kāreti o Waiuku.

Kātahi ka puta mai ngā hapa i roto i ana mahi hai kaiārahi.

He whakatoi te mahi a te ao pāpāoho mai i ngā tōpito o te ao mo tana mahi kukume makawe o tētahi kaimahi kawhe.

Kore rawa ia i whakaae kia eke ki te pae o te marae o Te Tī i tēnei tau i runga i tana pukuriri ki te hunga i tū whakaparahako ki a ia

Kaare i rata mai ngā kainoho o Aotearoa ki tōna whakaaro kia tini ai i te haki o tēnei whenua. Rua tekau mā whā miriona tāra i whakapaua ki ngā mahi tāpaetanga pōti

I te timatanga o tēnei tau, he porotēhi te mahi a ētahi mō te whakaaetanga a tana pāti ki te kaupapa TPPA.

Kahore a Key i whakarongo ki ngā nawe, i haere tona ia i runga i tana kaupapa TPPA, kātahi ka whakahētia te Perehītini hou o Amerika, a Donald Trump.

Ko tā John Key i te rangi nei, kaare ana kaupapa a ngā rā ki tua engari ko te noho i te taha o tōna whānau te mea nui.