Kaupapa: Politics

I hui ngātahi ai a Tua me te Pāti Māori

Ko ia te tuatahi o ngā uri toto Māori kore ki te tū ki te rārangi ingoa kaitono mō te Pāti Māori, heoi e ai ki te kaiwhakahaere matua o taua rōpū tōrangapū, arā noa atu ōna pūkenga, e tika ai tōna noho ki waenganui i te pāti.

Inanahi i hui tahi a Norm, te kaiwhakahaere tuarua o te pāti a Donna Gardiner me David ki te wānanga i tēnei tono.

Ka wātea a David ki te whakatau mēna ranei koinei te kōwhiringa tika mōna, ka whakahoki atu i tōna whakatau ki te pāti hei te tau hōu.

I whakapā atu ahau ki a David i tēnei rangi, heoi kāore ia mō te whakahoki kōrero mai, ko te kōrero tonu tērā e rere haere ana kāore te Pāti Māori anahe te pāti e whakaarotia ana e David, hei tūāpapa mō tōna urunga ki te ao tōrangapū.

Nā reira kāore e kore he hui anō a David me wai kē ake i roto i ngā wiki tata nei.