Kei te whakaōpeti tonu atu te tini tāngata ki te pā kaiahi o Oceti Sakowin, ahakoa rā te karanga a te Koromatua o Bismark ki te hunga totohe i te Paipa Hinu ki Dakota, kia taki hoki atu ki te kāinga mō te rā whakawhētai. Ko Marcus Lloyd o Ngāti Porou tētahi kei Standing Rock. Hei tāna kei te muia kētia o reira e te hunga taunaki i te tū a te iwi Sioux.
E tū kotahi tonu ana te hunga nei i te Toka Tū, ahakoa te inoi kia wehe atu.
“People are not leaving, they're coming in droves, and vehicles have been arriving all day, all night. This morning there was a group of 600 that arrived, and they're still coming in now," hei tā Lloyd.
Inanahi i tuku ai te kupu a Mike Seminary ki ngā kaiporotēhi nō rāwaho, nō muri mai i ngā taututetute ki ngā āpiha mau pū o te ture, ā, neke atu i te rima rau tāngata i mauhere.
E ai ki te Koromatua o Bismark a Mike Seminary, “It's now time for them to go home to their loved ones and their families, enjoy whatever holidays are important to them. And let us go about the process of rebuilding some likely damaged relationships locally.”
“Thanksgiving is not used very positively in the camp. This is not a day for recognising the other story of the history here, it's about recognising what's happening here,” hei tā Lloyd.
Ko Marcus tētehi o ngā Māori tokoono mai i Aotearoa i tae atu ki reira i te Rātapu nei, hei tautoko, hei āwhina i ngā hiahia o ngā iwi taketake.
“We've had a great day to be able to go in, we've sung, get the guitar around, and we've just hung with people. We had a wonderful opportunity to meet Shailene Woodley and spend time with her. And it's just been a good feeling at the moment, there is a good vibe,” hei tā Lloyd.
Kua puta te reo karanga ki te hunga e noho ana i Toka Tū ki tētehi hakari e kīa nei Water Protectors Community Apprecition ka tū ki Fort Yates āpōpō.