Kaupapa: BUDGET

Hei tā Simon Bridges he nui ake ngā hua a te rua i tā te tekau mā toru

Rukuwai Tipene-Allen

Hei tā te kaiārahi o te āpitihanga, tā Simon Bridges nā te hauruatanga o ngā tahua pūtea Māori ka kite pea ngā kaipōti Māori kāhore ō rātou wawata e tutuki i te tekau mā toru. 

Kua waiho mai raini ngā kongakonga a te tēpu nui ki te Māori? 

Hei tā Bridges he raru nui mā ngā kaupapa Māori.

Hei tā tēnei uri o Ngāti Maniapoto e aro kore ana te Kāwana ki ngā take Māori.

Ehara i te mea e kawa ana te pāti Nāhinara ki ngā wahanga katoa heoi ko te taha ki te utu tētahi raru nui.

Hei tā Kelvin Davis he maramara noiho te takanga mai ki te Māori i te tahua pūtea kua hipa, nā wai rā kua hauruatia.

Hei tā Bridges ka aro kē āna tuaritanga pūtea ki ngā hapori ka mutu ki ngā kaupapa e whai hua tonu ai a Ngāi Māori.