He whakatewhatewha kei te hāere nā te tāenga atu o ētahi whakapae pāwhera ki ngā Pirihimana

He kuare, he wareware ranei?

Koina te patai a te makiu, ao ake i te whakapuakitanga, tokowha ngā kotiro i korero ki te tari pirihimana i roto i ngā tau tata nei mo ngā whakapae pawhera a te roopu taitamatane, ngā Roast Busters.

Mo te roanga o te wiki nei i mea ake ngā pirihimana kua herea o rātou ringa ki te uhi hamene ki ngā tama rā, na te korenga o tētahi amuamu okawa.

Heoi, kua mana i ngā pirihimana te korero na tetahi o aua kotiro tokowha tētahi amuamu okawa i whakatakoto e rua tau ki muri.

He whakautu te whai, i te tatuunga atu o te Upoko o Ngā Pirihimana o Peter Marshall ki te whare paremata i te rangi nei, engari tē taea e ia e ai ki te Minita.

Noreira karekau te Minita, te Upoko o Nga Pirihimana, te Pou Whakahaere a Rohe ranei i mohio E ai ki ngā roopu apitihana, me mohio ka tika, nareira me taka te toki.

Kua whakatakoto amuamu te Roopu Reipa ki te Mana Arotake Pirihimana. Kua pera hoki a Anne Tolley, he amuamu okawa kaore ano kia kitea ake i tetahi Minita Take Pirihimana.

Ko tā Te Ururoa Flavell e āwangawanga ana ia na te tono ki tētahi rōpu Pirihimana ki te āta whakatewhatewha i ngā mahi a ngā Pirihimana, ko tāna he āhuatanga tēra pea ka whakararu i ngā mahi.

Ōrite hoki ngā whakaaro a Shane Jones na runga i tana kī ko tētahi o aua nanakia he tamaiti o tētahi āpiha Pirihimana inā tēra pea ka hūri rātou ki te tiaki i a ia ano i ā rātou e tiro hāere ana.