Kaupapa: Shane Taurima

He utu nui mō te hapa a Taurima

He hapa, i riro ai te puru o te waka Māori, Moana nui a Kiwa.

Kihai a Shane Taurima, i whakāe kia kōrero a kamera mai ki au i te rā nei, engari hei tana, i roto i tana panui papaho i puta, kihai ngā whakāro o te wahanga Māori, Moana Nui a Kiwa o Te Reo Tataki i titaha, na runga i tana whai wāhinga atu ki te Paati Reipa.

Hei tā te Tumu Whakarae o te Māngai Pāho, tā John Bishara i whakāe ia, he kairangi tā Shane Taurima whakapúrongo i ngā take o te wā, ā, kua whakāe ia ki ngā kōrero i puta i a Taurima i te rangi nei.

Heoi, e ai ki a John Tamihere, te autaua pāpāho, tōrangapū hoki, "Tē taea e te tangata te whakamahi i ngā rauemi o ōu rangatira hei hiki i ōu wawata tōrangapū."

Kua rewa ake he arotakenga mō ngā whakapauhanga rauemi a ētahi kaimahi ki ngā mahi tōrangapū. 

Tokotoru ngā kaimahi kua ūhia ki te whakapae mō te wāhanga ki a rātou.

Hei tā Tamihere anō, "E ai ki te kōrero a Taurima, i āwhina rātou i te mea he hoa rātou ki a ia.  E tika ana mēna i kii i āwhina rātou i a ia i te mea ko ia tā rātou pou whakahaere, ā, i whakaaro rātou ko ngā mahi rā i hāngai ki a rātou ūmanga."

Kei te rere tonu ngā pātai ki te Tumu Whakarae o Te Reo Tātaki, ki a Kevin Kenrick, mō te take i noho tonu ai a Taurima ki te tumu whakahaere o te tari whai muri i tāna korenga e eke ki te whakataetae mō te tūru o Te Ikaroa Rāwhiti.

Hei tāna, nā Taurima ia te kii taurangi kāore ia mō te whakataetae atu anō, hēoi ko tā John Tamihere e kore a muri e hokia, ā, me whai a Taurima i te tūranga o Tāmaki Makaurau.

He kaipūrongo, kaikawe hōtaka hoki te Kaiwhakahaere Matua tiriwā kua tohua, a Raewyn Rasch, kua mahi tahi me te Tari Māori, Iwi Moananui a Kiwa mō ngā tau maha.