Kaupapa: Politics

He urupare tā Bridges mō ngā wero ki tōna māoritanga

Talisa Kupenga

E wero ana ētahi i te Māoritanga o Simon Bridges, te Kaiārahi Māori Tuatahi o Nāhinara. Koia te Māori tuatahi kua pōtihia hei rangatira mo tētahi rōpū tōrangapū matua o Aotearoa, ā he urupare ka puta i a ia mō ngā wero mōna.

Ko Simon Bridges te Māori i eke ki te tino tūnga o Nāhinara, ko tōna tūmanako e whakahīhī a Ngāi Māori ki a ia.

He uri no Maniapoto i te taha o tana pāpā, nō Ōpārure tōna kuia a Ngaku Joseph. Ko Ngāti Kinohaku te hapū.

Engari i whakatipuria kētia ia ki te uru o Tāmaki, te pōtiki o ngā tamariki tokoono.

Kua aro, kua karo hoki tāna Māoritanga e te marea.

Me te kaha whakahē ā ētahi i tana whakaaetanga kia maina te hinu i te rohe o te Raukumara. Na tēnei i hua mai te waiata Swing Tag a Rob Ruha.

No reira he aha te hua mo Ngāi Māori?

He hiahia ta Bridges kia whai wā kia hui ngātahi ki nga rangatira Māori o te motu kia whakapakari ake tana tu ki te Āpitihana.