Kaupapa: Housing

He tūmanako mō ngā kairapu kāinga

Taroi Black

He whānau kua roa e rapu kainga ana hei hoko, e harikoa ana i te whakapuakitanga a Kelvin Davis o Reipā. Kei roto i tōna rohe pōti, ko tētahi māmā, tokowhā āna tamariki.

Kātahi ano a Mereana Martsers me tōna whānau ka hūnuku mai ki tēnei rīhi-whare.

Hei tā Mereana Marsters, "Mō mātou e hiahia ana te hoko whare, he uaua rawa atu ki kōnei. Ko te hiahia ki te hoko he whare ki Te Rakipaewhenua engari nui te utu. 

Koinei a kaingarua mōna i roto i ngā marama e ono, ā, he nui te utu. Heoi anō, kei te harikoa ia whai muri i te kaupapa hou a te Pāti Reipā.  

E kī ana a Marsters, "Ae he tino pai tēna whakaaro. I tēnei tau, e hiahia ana inaianei ki te hoko whare, engari nui te utu". 

Kei te hiahia a Mereana te whakapakeke i tōna whānau ki Te Rakipaewhenua, hei aha te hoki ki Hokianga mēnā he torutoru ngā wāhi mahi. 

E ai ki a Kelvin Davis, "Koia tētahi o ngā raruraru. Koira te take e hiahia ana mātou kia whakamanahia tēnei kaupapa here i roto i te kāwanatanga Reipā e tū mai nei. Ki te kore tātou e āwhinatia i ngā whānau, mōhio tātou i ngā raruraru e pā ana ki te take kore kainga".

Ko tā Mereana, ko te noho ki roto i tēnei kainga heoi anō, ka tekau mā rua marama noa iho te roa.