Kaupapa: Elections

He tautohe tuitui kōrero mā ngā mema paremata ki Tūranga

Kua hika ngā mahi mirimiri pōti i Tūranganui-a-Kiwa mō te kōwhiringa-a-motu e kainamu mai nei. Tokoono ngā mema pāremata Māori i tatū atu.

Tuturu ko ngā wāhine i kokiri i te tautohetohe i te hui papaho, ā, ko Claudette Hauiti tera i arohaehaetia mō ngā raihana tirotiro hinu e wero nei i ngā aihe maui.

I Aotearoa e whitu ira tahi orau te pae kore mahi, i Turanganui a Kiwa ko te iwa ira toru orau kē, ā, mō Ngai Māori i konei ko te tekau ma ono ira tahi orau.

E ai ki te Koromatua, ki a Meng Foon, ko ngā taone paku pēnei i Tūranganui ā-Kiwa nei, ka kore e whiwhi ngā pūtea nui i te Kawanatanga pēna ki ngā taone nui.

“Kāore rātou e tuku ana he pūtea ki a mātou e whakapai ana ngā rori, me kī, te rēra mō tātou tereina mai Ahuriri ki Tūranga.”

Ko tētahi atu pātai i whiua - ae ranei me toka ngā turu whare paremata Māori ki te ture?

Ae marika kei te wera hāere te pakanga kowhiringa pōti, otira e hiakai ana enei kaitono.