Kaupapa: BUDGET

He pūtea āwhina kua tohaina mo te pakanga ki te mate Rūmātiki

He rua tekau miriona tāra atu anō hei kaupare i te mate rūmātiki hei ngā tau e whā e tū mai nei kua whakaritea i te tahua pūtea rua mano mā wha a te kāwanatanga.

Hei tēra wiki ka huraina te katoa o ngā whakapaunga hou i te tahua, heoi i tēnei wā kua whai āwhina te hunga e whai nei kia kauparehia atu te mate rūmātiki i tenei whakataunga.   

Kua waia ngā tamariki o Ngai Tūhoe ki ngā whakamātautau mo te mate rūmaātiki. Kua neke atu i te rua tau te ratonga hauora o Te Kaokao o Takapau e toro atu ana ki ngā kura e whitu o te rohe pōtae.

Ko tā Sunshine Biddle, “Kua roia katoa ratou ki taua mate nei, kite mai i a matou ka mea mai a kei te mamae taku korokoro etahi wa kei te ahua parekareka noa engari me tiro tonu ne.”

Ko Sandra Ball te kaiwhakahaere o ngā kaupapa kaupare i te mate rūmātiki ki ngā kura o te Moana a Toi. Hei tāna, ko te wawata ka taka rawa tētahi wāhanga o te pūtea hou ki to ratou takiwā, ka mutu, ki ngā tauira kura tuarua - te hunga kāre i te whakamatauria i tēnei wā.

Kāti e ai ki te kawanatanga ka whakawhānuitia ake hoki ko ngā whare haumanu kore utu. Heoi, ko te whakatūpato a tēnei hunga me kawe tōtika te kaupapa ki ngā whānau tonu. 

Apiti atu ka whakatōpungia hoki he rima miriona tāra ki ngā mahi whakatairanga i te kaupapa, pēnei i ēnei tūmomo tuhinga paki e ako ai ngā tamariki.