Ngā kaupapa: Politics, Rātana

He piringa ngātahi tā te Pāti Mana me te Pāti Māori?

Heeni Brown

Ki te Pā o Ngā Ariki, noho tahi ai te perehitini o Mana, a Annette Sykes, rāua ko te perehitini o Te Pāti Māori, a Naida Glavish i te rā nei.

Engari mō te taha ki ngā take tōrangapū, horekau anō rātou kia whakatau mārika pēna rainei e piri ana.

Hei tā Naida Glavish, “Me pēnei taku kōrero i roto i te whanaungatanga e kore e taea te karo i te piritanga i roto i te whanaungatanga engari i roto i ngā kōrero tōrangapū a taihoa ake nei pea ka kitea”

Engari kua mutu te tatari noa a te rōpū Mana.

Hei tā te perehitini o Mana, tā Annette Sykes, “Kei te kōrero tonu (mātou) ki a te Pāti Reipa hoki, nā te mea kei te mōhio te katoa ētahi o ngā kaupapa nā te Pāti Reipa i hanga kei te tautoko a Mana.”

Ahakoa ngā kōrero whakatūpato e mea ana, ki te tū motuhake a Mana me te Pāti Māori ki te rēhi o Te Tai Hauāuru, ka toa kē ko Reipa, ehara i te mea e aro pū atu ana ngā rōpū nei.

Mai anō te moemoeā o Tahupōtiki Wiremu Rātana, kia takahi ngātahi, kia tū kotahi te iwi Māori.  Kei a Reipa tonu pea taua moemoeā, i te korenga tonu o Mana me te Pāti Māori e piri.