He pāti kei te hāere ake mo Shane Jones

Nō te tīmatanga o tēnei marama puta ai te pūrongo e mea ana, karekau a Shane Jones i mahi hara i a ia i te tūranga Minita Tuarua mō ngā Take Manene i te tau rua mano mā waru.

Koia te purongo i mukua i nga tini whakapae mo Shane Jones. No te rangi nei tatu ai te hunga nā rātou taua mahi nui ki te whakautu patai.

Ae marika i te hī ika nga mema o te Kawanatanga. Ko te maunu ko te tuhinga kotahi a Shane Jones e hāngai ana ki tana whakatau uruuruwhenua a Bill Liu.

Engari tee mau i a rātou te ika nui, waihoki i kitea kua ngoikore hāere ngā pukenga werowero nā te noho pea ki nga tūru matua. 

Nā wai rā puta ai te wero i te apitihana i tautoko a reta te mema o Nahinara i taua wā a Pansy Wong i te tono a te kaimiriona Haina, i pau nga matā.

Kāti tee aro i a Shane Jones te komiti whiriwhiri otira e whakarite kē ana ia mo nga rā kei tua ā e kokiri ana tēna me tetahi whakangahau aranga.

Ka tika ra ko Raharuhi te ingoa o te wā mo tēnei mema paremata, he tangata i hinga ka ara mai ano.