Ngā kaupapa: Health, Politics

He pakanga ki te mate pukupuku te oati a te Rōpū Reipa

Talisa Kupenga

He pakanga ki te mate pukupuku te oati a te Rōpū Reipa.  

E waru piriona tāra tāna tahua hauora ki te pōtihia rātou hei kāwanatanga, ā, ko aua pūtea ka whakapaua hei whakatū Ratonga ā-Motu mō te Mate Pukupuku, e haumanutia ai te turoro ahakoa nō hea ia.

Nō reira he aha rā ngā hua mō ngāi Māori e poke nei i ngā tatauranga mate pukupuku.

Na tāna toa ki te mate pukupuku he hiahia tā te kaiarahi o Reipa ki te awhina i ngā turoro o naeanei. 

He rua tekau miniona tāra kia tuwhera te National Cancer Agency hei whakatū taumata mahi, whakarite taumata poari hauora a rohe, hei patu i ngā tatauranga, me te toro atu ki ngā hapori iti.

Ko tā tēnei morehu mate pukupuku ko te taenga atu ki te tākuta i te tuatahi te raru kē mo ngā Maori, ā, he uaua ake mo te tāne rātou hoki e noho taratahi ana.

He rahi ake te tatauranga hinga mate pukupuku mō Ngai Māori. He toru tekau ōrau o ngā tāne ka ngaua, mo te wahine he wha tekau ōrau.

Mena ka tū ko Reipa hei kāwana ka puta ngā taipitopito i nga rangi kotahi rau tuatahi, ka mutu ana te ata whiriwhiri me ngā tū tohunga katoa.