He mema Māori kei reira mēna ka panaia a Gilmore

I tēnei wiki i puta ake te whakapae, i hē tana whanonga hei mema paremata i tana whiu kōrero ki tētahi hāwini.

Nōnanahi ia ka whakapāha, ka mutu, kāre ana whakamārama i te hāngai tika ki ngā kōrero kua puta mō āna mahi. Ko te whakapae, nā te korenga o tētahi hawini i whakaae kia tuku waipiro tonu ki a Gilmour i tētahi Hōtera i tērā wiki, ko tā te mema pāremata o Nahinara nei ki te hāwini, ka poroa tana tūranga, e te tari o te Pirimia. 

Nā, nō te rā nei, ka tukuna e te Pirimia tēnei take mā te Perehetini o te rōpu Nahinara, mā Peter Goodfellow hei whakatau. He tohu tēnei, taihoa pea ka rihaina a Gilmour. Ka mutu, ki te pērā, arā tētahi mema Māori o Nahinara e tatari ana i te rārangi, kia piki tūranga ki rō pāremata.