He mauritau te noho a Shane Jones

Ahakoa kīhai te uri Māori kotahi i te whakataetae kaiārahi o Reipa i eke ki te taumata i wawatatia ra, hei ta Shane Jones, arā tonu ngā tini hua kua taka iho ki a ia, otirā ki tana rōpū tōrangapū, i te whakataetae nei.

He mauritau tana noho i mua i te whakataunga.

Ko tana hoa wahine a Dorothy Pumipi te kaiwhakahaere mo ngā mahi whakahau, engari i runga i tenei takihaere, ka puta ki te ao hoki ngā kōrero mō rāua.

I toro atu tā mātou karere a Harata Brown ki te uri nei o Muriwhenua i te roanga o tēnei haere, ā, i pērā anō, ao ake i te whakatau o te rā nei.