Kaupapa: Politics

He matapaki tauhokohoko te mahi ki waenga i ngā ūpoko o Tiamani me Aotearoa

Talisa Kupenga

I tau atu te Perehītini o Tiamana, arā ko Frank-Walter Steinmeier ki Te Whare o Te Kāwana Tianara, i te rangi tuarua o tana haerenga i Aotearoa nei.

He pōhiri mo te Perehitini hou o Tiamana, he tekau ma ono tau kua hipa i te kitenga o tētahi Perehitini o Tiamana ki Aotearoa.

Ko tā te Pirimia a Jacinda Ardern he hōnore nui tēnei tūtakinga.

Ko tā te Perehitini o Tiamana a Frank-Walter Steinmeier, he koanga ngākau mōna kua whai wāhi atu ia ki te kōrero me te Pirimia hōu.

I kōrero ngātahi te Pirimia me te Perehitini mo te aronga whakamua mo ngā ahuatanga hokohoko

Ko tā Pirimia Ardern, he $3.1 piriona te wāriu o tēnei hononga tauhokohoko.

Ko tā te Perehitini, he mea nui mā Tiamani ki te whakatau tere i tētahi whakaaetanga hokohoko me Aotearoa.

Me te aronga matua o te Perehitini; ngā take pūtaiao, pūrere hangarau hou hoki, i te tau whā tekau mo te kirimana Pūtaiao, hangarau hoki mo ēnei motu.

Hei āpōpō wehe atu te Perehitini o Tiamana i a Aotearoa.