Kaupapa: Education

He manomano tāngata kua haina i te pētihana kia whakahokia mai ngā tahua pūtea mā te hunga paerunga

Rukuwai Tipene-Allen

He pētihana kei te kawea e te Roopū o Ngā Kāhui Tauira o Aotearoa, ko te whai kia whakatūria anō ngā tahua mā ngā tauira paerunga, inā rā ko rātou ka hiki i te motu ki te angitū. E ai anō ki te rōpu, he oati tēnei i puta i mua i te kōwhiringa pōti, ā me whakamana.

Tata ki te rua mano ngā tāngata i haina i te pētihana ki te minita take mātauranga, ki a Chris Hipkins kia whakahokia mai ngā pūtea tautoko ki te hunga paerunga ka mutu kia tutuki i a te kāwanatanga i oati ai. 

He huarahi pakeke mā ētahi ka mutu mā te pūtea pea tērā oa e māmā ai.

I whakapā atu a Te Kāea ki te tari o te minita, ko te whakahoki mai te kaikorero o toona tari kei te noho wahangu te minita mo tenei take i tenei waa i roto i te whakaaro hei marama e tu mai nei ka puta nga whakarite mai te tahua tuatahi a te roopu reipa.

He mea whakakahore te tahua pūtea nei e te kāwanatanga o mua i te tau rua mano tekau mā toru ka mutu hei tā te roopū nei e hāngai pū ana tēnei pētihana ki te oati ā te pāti Reipa. 

E ai ki te whakapae o tēnei tauira, he nui tonu ngā piki me ngā heke i te ao o te tauira, e tika ana kia tautoko i ngā whāinga.

A te Mei puta atu ai ngā kōiriiri o te tahua pūtea tuatahi ā tēnei kāwanatanga, hei reira tātou mōhio pena kua tutuki te whāinga.