Ngā kaupapa: Education, Te Reo Māori

He aronga nui tō te Pāti Kākāriki ki te reo Māori

Kua rewa te pāti Kākāriki tana kaupapa here mō te reo Māori. Koinei pū te rā i tae atu ai te petihana reo Māori ki Pāremata i ngā tau whā tekau mā rima ki muri.

I te marama o Huitanguru i puta i a rātau te kōrero ko te here i te ako i te reo Māori ki ngā kura katoa i Aotearoa tētahi o ngā take mātuatua ki a rātau, ā, i te rangi nei i rewa te mahere rautaki e tutuki ai tēnā. Hei tā te pāti, kua noho tahi rātau ki ngā iwi maha, me ētahi mātanga reo Māori ki te waihanga mahere e tokomaha ake ai ngā kaiako e whakakaako ana i te reo.