Ngā kaupapa: Domestic Violence, Politics

He $76m anō hei tautoko i ngā ratonga MSD

Talisa Kupenga

E whitu tekau mā ono ira rua miriona tāra kei te whakawāteahia e te Kāwanatanga hei ngā tau e whā ki te tautoko i ngā ratonga a Te Manatū Whakahiato Ora e āwhina ana i te hunga kua pāngia e te mahi tūkino whānau. Engari ko tā Nāhinara whakapae mena ka tohaina te pūtea ki nga ratonga katoa e kore rawa e tae atu ki nga rōpū e tino pēhitia ana.

Ko tā Pirimia Jacinda Ardern he he toru tekau ōrau te kakenga o te pūtea kia hāpai I nga ratonga kotahi rau rima tekau. Te nuinga kei te mura o te ahi.

He pūtea āwhina tēnei hei hāpai i te hunga kua tūkinotia, te hunga hara me o rātou whānau.

Ko tā te Māngai Take Whakahiato Ora o Nāhinara a Louise Upston he rongopai te tuku pūtea ki ngā kaupapa ārai i ngā mahi tūkinotanga ā-whānau.

Ko tā Nāhinara whakapae kahore he hua e puta mēna ka tohaina te putea ki ngā kaiwhakahaere, te take ko wai ka mohio mena ka whakamahia te putea ki te wāhi e tōtika ana.

Engari he pūtea e tautokohia ana e Te Rōpū Whakahiato Ora ahakoa te kii kua tata ke i te tekau tau rātou e mahi me te pūtea kongakonga.

Ko tā Upston ko te $169 miriona i whakawāteahia e tō rātou kāwanatanga i te tau 2016, he tohu o tō rātou aro nui ki tēnei āhuatanga.

Ko te whakahoki a te Pirimia, koinei te wā kia aro ki ngā ratonga pēnei i te Whakaruruhau Wāhine i te mea kāore i pēneitia i ngā tau ki muri.

Engari ki te rōpū "It's not OK!" neke atu i te whā ki te whitu piriona tāra ke te utu ia tau ki te ārai atu i ngā mahi tūkino.