Ha patai kua puta e pā ana ki te karapu rūnanga minita

Ko ngā pātai mō te karapu runanga minita a Nahinara e tiro morimoritia ana. 

He karapu e utu ai te tangata i tētahi nama, takoha ranei, ia tau - e whai waahi ai ia ki ētahi huihuinga e toru, e wha ranei, ki reira tutaki ai ki ētahi minita.

E ai ki te pukapuka e whakatakoto ana i ngā ture mā ngā rūnanga minita, kāre i te tika kia whai utu tapiri e hāngai ana ki ngā mahi a ngā minita. Ko tā Nahinara kīhai a rātou minita i te hāere ki aua hui hei māngai mā te Kāwanatanga, kare hoki rātou i te whati i ngā ture.

Hei tā John Key, "E hāere ana ratou ki raro i te maru o te tūnga mema paremata, ehara rātou i te hāere hei minita hei māngai mā Nahinara hoki." 

Hei tā Nanaia Mahuta, In my experience of that position, you are a minister at all times, day and night."

Hei tā Pita Sharples, "Kare au e mohio ana ki tera karapu engari kei te pirangi au te neke atu, can I join?"

Ahakoa te kore mohio o tēnei Minita ki taua karapu, e mea ana te apitihana kua whai wāhi kē te Pāti Māori - me te tohu ki a rātou pō kohi putea e rua i noho ai ko John Key te whetu maiangi.

Kāti, katoa ngā takoha ka utua ki a Nahinara mō te karapu runanga minita ka rapa ki te rarangi tumatawhanui. Na whai ano hoki karekau ngā ture i takahitia, engari, he kōrero ano pea mō te titiro a te rawaho ki tena tū mahi - a koia te tino i te ao torangapu.