Kaupapa: Politics

E whia rau tāngata e rarua ana e te Tautauranga

Mānia Clarke

Hei te pō nei ka kati te wā mō te Tatauranga ā-Motu engari arā te nui o ngā māharahara mō te uaua o te whakahoki kōrero ā-tihi, ko ētahi kāore anō kia whiwhi i ngā tatau muna hei whakapuare i te kēti.

Ko te hunga kaumātua, ko te hunga hauā anō ērā ka mahue pea ki muri.  

Ko te patai nui mai te minita tatauranga o mua he aha te kiko o nga tatauranga mena e kotiti ana ngā whakahaere.

Ko te maharaha mena kaare taea te whakaoti i nga patai he maha nga hua ka ngaro ahakoa tera. Kei te mau tonu a Tatauranga Aoteroa e kore he kaupapa ake    

“Kāore he taputapu i tū ake i tēnei me te tatauranga ki te toro ake ki a mātou nei iwi Māori ki te kite te oranga i roto i a rātou whānau,” i kī atu a te kaihatū Māori o Tatauranga Aotearoa, a Luke Crawford.

“Kei hea rātou. Kei te mōhio ngā mātauranga, taumata mātauranga e eke atu rātou, ēnei mea katoa.”

Ia rima tau ka whakaharehia tēnei tatauranga, I te tau rua mano tekau mā toru neke atu i te kotahi rau miriona taara te putea i pau e hia te putea mō tēnei?

“E rapu ana mātou ngā tatauranga kia mōhio kei hea ngā hiahia o te motu, ” i kōrero atu i te Pirimia o te wā, i a Kelvin Davis.

“Ko wai ngā rōpū tāngata e hiahia ana i te āwhina o te kāwanatanga?” Me pēhea mātou o te kāwanatanga e toha atu i ngā rauemi kia tautokongia a rātou. “He aha ngā rarurau me āwhina?”

Ahakoa te aha e akiaki tonu ana a Tatauranga Aotearoa ka anga whakamua tonu tēnei take ahakoa te mōhio he maha tonu te hunga kāore anō kia whiwhi i a rātou pepa tono.

Kotahi ira waru miriona kua tutuki te whakahoki runga ipurangi.