E whai ana tētahi kaitono kaunihera ki te aukati i tētahi paparakāuta hou

E hia ngā tau e hikoi ana a Liz Kelly i nga tiriti o Cannons Creek, me te tutakitaki ki te hapori.  Ae marika i te ra nei he wero tāna kia aukati i te whakatuwheratanga o tētahi papara kauta i roto i te hapori.

I tēnei tau ko Liz tetahi o ngā kaitono mo ngā kowhiringa o te Kaunihera o Porirua. E whakapae ana etahi, ko āna mahi i te ra nei, he kohi i ngā pōti tautoko.

Ki tāna me whakature ngā kowhiringa Kaunihera, nā te tokoiti o Ngāi Tātou e pōti ana.  Hei te Mane, ka puta te whakatau a te rōpu raihana waipiro, mena ka whakāe, whakahe ranei rātou te whakatuhanga o te papara kauta ki Cannons Creek.