Kaupapa: Kōhanga Reo

E tautohetia ana ngā mema tōrangapū i te arotake ki Te Poari Matua o Te Kōhanga Reo

Me whakawātea te Poari Kaitiaki o Te Kohanga Reo, kia anga whakamua ai ngā kohanga reo puta noa i te motu. Koirā tā Hone Harawira, ā, ko Winston Peters me ētahi mema tōrangapū kē atu e kimi whakautu tonu ana

Kei te pupuhi ngā hau whakahe i nga paetara e whā o te whare nei, ā ko ngā Minita tokorua, ara ko Sharples rāua ko Parata nga pironga.

E ai ki te mema tōrangapu mo te Taitokerau, ki a Hone Harawira, ahakoa nga whakahē kei te ripoata, kei te poari o te Kōhanga Reo te mana ki te whakatika i tōna ake whare.

A ko te kimi haere i te kōrero pono te take o tēnei tira hikoi i tērā tau, a i tenei tau ko ngā tohutohu a Minita Sharples, me patōtō tonu i runga i te kuaha o te tarahiti ra.

Kāre tenei raruraru e taea te whakatika i te pō kotahi, engari na ngā wero a etahi mema tōrangapū ki te poari o te Kōhanga Reo, kia whai māramamatanga mo ngā take i noho ki waho o te ripoata, kei te wā pea te otinga.