E koke whakamua ana te rēhi mō te ārahitanga i a Reipa

Tekau mā rua ngā huihuinga kua whakaritea, horapa i te motu kia whai wāhi ai ngā kaitono tokotoru mō te kaiārahitanga o te Pāti Reipa, ki te whakapuaki i a rātou kupu whakapoapoa i te hunga pōti.

Ka tū ia o ngā kaitono, a David Cunliffe, Shane Jones rātou ko Grant Robertson ki mua i te aroaro o te whakaminenga ki te kauhau me te whakautu i ngā pātai i te huinga, ki te tūtakitaki i ngā apataki hoki.

Ko te tuatahi i tū i te rangi nei ki Levin. Ko te whakamutunga ki Otepoti hei te tuaiwa, o te marama e heke mai nei.