Te Wānanga Poitūkohu Impact

Te Kāea
  • Tāmaki Makaurau

Ko Poitūkohu Impact tētahi wānanga o Amerika e whakawhanake ake ana i ngā kaitākaro kura tuarua, tae atu hoki ki ngā ika-a-whiro o te whakataetae NBA, ā, e whakahaere ana ētahi o a rātou kaiako i tētahi whakaharatau i Tāmaki Makaurau.

He whakangungu pakeke tō te wānanga Impact, ā, he ōrite ōna rautaki akoranga ki ērā e whakamahia ana e ngā whetū maiangi o te NBA.

Engari i tua atu i te taha pūkenga i te rā nei, i ako ēnei rangatahi kia whai waiaro momoho, kia kaha a hinengaro anō hoki.

Waihoki, kua mīharo katoa ēnei kaiako poitūkohu nō Amerika ki ngā pūmanawa o ēnei rangatahi o Aotearoa.

Me te tūmanako anō hoki ka eke panuku ēnei mahuri tōtara i o rātou moehewa kia eke ki tērā keokeonga o te poitūkohu wānanga i Amerika.