Mā Ngatai ngā tūnga wātea e whakakii

Te Kāea

Ahakoa kāore i eke te uri Māori a Jordan Ngatai ki te kapa Tall Blacks i ngā rā e rua kua pahure.

Nonapō tonu nei ka karangahia ia ki te tira mō tā rātou haere ki Haina, nā runga i ngā wharanga ki a Josh Bloxham rāua ko Jeremiah Trueman.

Anei ko te katoa o te tira Tall Blacks ka haere ki Haina hei te pō āpōpō:

Tokowha ngā toki o te kapa Breakers kua whai tūranga, tae atu hoki ki te kāpene, ki a Mika Vukona me te toki Māori, me Reuben Te Rangi.

Ā, nō te kapa Bay Hawks, ko te uri Māori ko Everard Bartlett rāua ko Jarrad Kenny.

Ko nga ika-a-whiro ko Casey Frank raua ko BJ Anthony kua hoki ki te kapa, ā, arā hoki he mahuri tōtara tokowha, ko Izayah Mauriohooho Le'afa, rātou ko Brook Ruscoe, ko Jack Salt, ko Jordan Ngatai.

Nā Paul Mikkelson ēnei whakamārama.