Kaupapa: Koroneihana

Kua rite a Tūrangawaewae Marae ki te manaaki i te marea e whakanui ana i te Koroneihana 2015

  • Waikato/Te Waiariki
Tūrangawaewae Marae in Ngāruawāhia

Kua tīmata ngā kaupapa e whakanui ana i te Koroneihana 2015 ki Tūrangawaewae Marae i Ngāruawāhia e whakahonore ana i te Koroneihana tuaiwa o Kingi Tuheitia.

I te rā nei ka heke ngā roimata mo te kawe mate o ngā uri o Waikato-Tainui, hei apopo ka tu te kawe mate mo ngā uri Māori katoa no ngā tōpito o te motu. 

I te rā nei ka tū ētahi kapa haka ki te whakanui i te kaupapa.

E hia mano te hunga ka whakarauika atu ki Tūrangawaewae i tēnei wiki, ko ngā māngai ā iwi me ngā kaitōrangapū hoki ētahi ka tuku mihi ki te Kingi me te ngako o te Kingitanga.

Hei te pō o te Paraire ka tū kotahi ngā pia o Te Wharekura o Rākaumangamanga ki te whakaatu i tētahi whakaari motuhake, tāpiri atu hei ngā rā whakatā he hakinakina ka whakahāerehia.

Mo ngā tau whitu tekau ma whā kua tū tēnei kaupapa ki te marae o Tūrangawaewae, ko te hau kāinga ēra kua waia ki te whakarite i ngā mahi katoa hei āta tiaki i ngā manuhiri maha ka hau atu ki tō rātou marae. 

Kei Ngāruawāhia tā mātou tira i tēnei wiki, mo ngā kōrero o te wā tahuri mai ki te whārangi ipurangi o whakaata Maori ki tā mātou whārangi puka mata hoki.