Kua hoki toa mai ngā NZ Breakers

Pāorooro ana te whare i te taunga rererangi o Tāmaki Makaurau i te weherua pō i te pōwhiri a te tini ki te kapa Breakers, te kapa toa o te whakataetae ANBL mō te tau tākaro 2013.

Koinei te taitara toa karapīpiti tuatoru a te kapa, ka mutu, nā tērā kua tohua ko rātou tētahi o ngā karapu hākinakina angitū rawa o Aotearoa.

I waenganui po, i whakahei ngā kaiwhaiwhai i tō rātou kapa toa me te tuatoru o ngā taonga mai i te whakataetae ANBL.  Ā, kāore i tua atu i te poroporo i ngā kupenga i te hau kāinga o te tāwhai nui.

He mea whakahirahira anō mā nga kaiwhaiwhai ki te kite i tō rātou kapa e papatū ana, ahakoa ngā tāwai maha a ngā kaitautoko o Perth.  E tika ana he karapu angitū ngā Breakers, tae atu hoki ki ngā mahi a ngā kaiwhaiwhai.

Ko te whakanui ngā tirohanga i tēnei wā tonu, heoi, kāore e roa ka toko ake te whakaaro mō te toahanga karapīpiti tuawha.

Kairīpoata:  Paul Mikkelson