He waka rererangi mō te heke rangi kua tuki ki te moana o Taupō

updated Te Kāea
Plane crash debris in Lake Taupō - Photo / TV3

He waka rererangi mō te heke rangi kua tuki ki te moana o Taupō.  I raru te waka i a ia e piki ana ki te rangi, tekau mā toru ngā tāngata o runga, ko te kaiurungi anō tētahi, i heketau atu ki te whenua, katoa i puta ki te ora.

I ngā whakaahua nei, kitea ana te waihotanga o te waka hekerangi i tuki ki te moana o Taupō i te poupoutanga o te rā.

I te whakanui a Tariao Nahi-Cramer i te huritau tuaono o tāna kotiro i te tahatika o te roto, i reira i kite i te raruraru nei.  Ā, i reira ka huaki ake te hauata.

Tekau mā toru ngā tangata o runga, tokoono he kaimahi, tokoono nga pahihi i peke takirua. Nā Skydive Taupo i tuku i te karere mōhio, i raru ai te mīhini o te waka i tōna ekenga ki te rangi.

Kāore he wharanga nui, he marū noaiho te pātanga i te mutunga iho, hei te taenga mai o ngā ratonga mate.

Kua tahuri rā te Komihana Arotake Aituā Waka ki te whakatewhatewha i te hauata nei.