He mīhini tuku pūtea reo Māori kua huraina ki Kirikiriroa Marae

Te Kāea
  • Waikato/Te Waiariki

Ko te mīhini tuku pūtea reo Māori tuatahi i huraina ki Kirikiriroa Marae i te rā nei, i te whakatuwheratanga o te tuatahi o ngā peka ariā o Aotearoa Credit Union.

He wāhanga tēnei o tētahi tūhonotanga motuhake ki waenga i Te Kōhao Health, he ratonga hauora, toko i te ora, mātauranga ā-marae me Aotearoa Credit Union.

He mīhini pūtea, he reo Māori, kua hono ai te ao hangarau ki te ao Māori.

Kia piritata ki ngā mema Māori o Credit Union me ngō rātou hāpori te hiahia.

E ai ki a Gypsy Roberts, “E tata tonu ki tōku mahi, mō au ki te tango moni, he mea ngāwari mo tā tātou tūroro, e whai mai ki roto i tō tātou whare.”

Neke atu i te 25 tau a Credit Union e mahi tahi ana me Ngāi Māori, nā Te Kōhao Health te tono atu ki a rātou.

Mai konei, ko te hiahia kia whakatū mīhini pūtea mo ngā takiwā o Tāmaki, me te mea hoki, kia reo Hāmoa, kia reo Tonga hoki.

Engari, ahakoa he aha te reo, mehemea kua pau te pūtea, e mārama tonu ana ki te tangata.