Kaupapa matua

Whare Noho

Ko ngā pūrongo a Whakaata Māori mō ngā āhuatanga o te wā mō ngā whare noho e pāngia ana ki te iwi Māori, me ētahi atu kaupapa whai take.

Te mea hou

Pūrongo

Concerns over displaced South Auckland rough sleepers

Mānia Clarke

He Ratonga Toko i te Ora kei te tonga o Tāmaki Makaurau e māharahara ana i te panatanga atu o ngā kai noho tiriti i tētahi papa rēhia. E whai ana tēnei i te putanga o ngā tatauranga a Te Kaute Nui o Te Mate Kāinga Kore ki Tāmaki Makaurau ki te hanga kaupapa here hei whakakore i te mate nei.

Pūrongo

E ea haere ana te moemoeā o ētahi whānau Māori ki te hoko whare

Mānia Clarke

E ea haere ana te moemoeā o ētahi whānau Māori ki te hoko whare i te tīmatatanga o ngā mahi hanga whare hōu e waru tekau ki Kirikiriroa. Hei tā te Tumu Whakarae o Waikato-Tainui, ka whiwhi kāinga hōu ngā whānau uri e rima tekau i te kaupapa hanga whare tekau mā tahi miriona tāra te utu, o Te Kaarearea me Te Kaporeihana Whare o Aotearoa.

Pūrongo

E manawanui ana ngā ringa mahi me ngā kiritaki o Te Mīhana o Tāmaki Makaurau

Mānia Clarke

Kei te manawanui ngā ringa mahi me ngā kiritaki o te Mīhana o Tāmaki Makaurau ki tā rātou hūnukutanga ki whakaruruhau kē atu mō te wā poto. Kei te whakahou te Kāwanatanga i te whare tūturu, e iwa tekau miriona tāra te utu.

Pūrongo

E whakatīnana tonu ana ngā moemoeā o Te Puea hei manaaki i te iwi

Mānia Clarke

Inā te mahi nui a Te Puea Herangi i roto i te hītori o tēnei whenua. Ki ētahi i tōna wā, he kaikaiwaiū ia nā tana whakahē i tā te kāwanatanga here i te Māori kia tukuna ki te pakanga tuatahi o te ao. Heoi, ko tōna mana wāhine i ngā tau o te ono tekau, o te whitu tekau ki te hiki i ngā tūmanako me te oranga o te Māori kei te pīkauria tonutia i te marae kei te tonga o Tāmaki e whakahōnore nei i tōna ingoa.

Pūrongo

Na te utu kaore te iwi i te whakamahi i ngā ara whakamahana

Mere McLean

Kei roto a Patrick Dixon, penihana kaumātua o Rotorua i te kāhui o ngā tāngata kāre e hiahia ana ki te whakamahi i te mīhini whakamahana na runga i ngā utu mo te hiko. He kaupapa tēnei ka whai ake i tētahi patapātai a Te Ope Whakaora e tohu ana i te timatanga o to rātou wāhanga inoi mo te Takurua. E ai ki ngā whakahau, kotahi, tokorua rānei o tātau ka noho ki roto i te mātao na runga i te kore moni.

Pūrongo

E ngana ana tētehi iwi ki te tonga o Tāmaki kia whai reo ai mō ngā whare hōu e 10, 000

Mānia Clarke

Ko Te Ākitai o Waiōhua, i te tonga o Tāmaki Makaurau kei te hiahia whai wāhi atu ai ki te tēpu kōrero i te putanga o te kaupapa a te kāwanatanga ki te whakatū kia tekau mano ngā whare hōu ki Ngā Hau Māngere. He hautoru o ēnā whare ka hokona i raro i te kaupapa Kiwi Build, he hautoru hoki ka noho hei whare kāwanatanga.

Pūrongo

Kua tohua e Twyford ngā whare o Kiwibuild ki Te Kauwhata

Mānia Clarke

He kōrero nā te Minta Hanga Whare Tāone, ka aro te kāwanatanga ki te rohe whare hōu o Lakeside ki Te Kauwhata, kotahi mano e ono rau ngā kāinga, hei wāhi whakatū i ngā whare utu māmā o KiwiBuild. He mānuka i takatōria e tētehi māngai marae o Te Whakakitenga e Robert Tukuriri i hīkina tōtika atu e te Minita Manatū Whare Tāone.

Pūrongo

Me tūpato kei huri hei nohonga pōhara kē ngā whaitua noho hōu e 280 ki te pokapū o Tāmaki

Mānia Clarke

Me tūpato kei huri hei nohonga pōhara kē te māhere a te kāwanatanga ki te hanga i ngā whaitua noho hōu e rua rau e waru tekau me ngā ratonga toka i te ora ki te wahapū o Tāmaki Makaurau. Koirā te whakatūpato a te Kaimīhana o Te Whare Mīhana o Tāmaki Makaurau a Chris Farrelly. Heoi hei tāna anō ki te tika ngā whakaritenga ka mimiti haere te puna o kāinga kore i rohe rā.