Whānau move into Te Kopua Papakāinga

E toru ngā whānau ka kuhu atu ki ō rātou kainga hou, nā te whakatutukinga o te wāhanga tuatahi o te kaupapa whakatū papakainga o Te Kopua 3B2 i Whāingaroa. Hei tā te kaiwhakahaere, hei tā Aubrey Te Kanawa, he rā whakahirahira tēnei ki te iwi o Tainui-a-whiro, i te tatūnga o ngā papakāinga, i kaha whawhai mō te hemo noa atu, i ngā tekau tau ki muri.

He tohu ngā hau pūkeri mō ngēnei uri o Tainui-a-whiro, kua hoki wairua mai ō rātou tūpuna mō te puaretanga o ō rātou papakāinga hou.

E ai ki a Mana Forbes no Tainui-a-whiro, Ngāti Mahanga hoki, “I tēnei ata, i roto i tēnei whare, nā te karakia mō te whakaritetanga o ngā whare, taku kōrero ki te kōtiro a Iwa, nā tō whāea e tū mai rā i waenganui i a tātou, i tērā atu, ngā kaumātua katoa.”

E toru ngā kāinga reti hou kua hangaia, me te pae tawhiti o Te Kopua, kia homai ngā whare ngāwari te utu, mō ō rātou uri.

Hei tā Aubrey Te Kanawa, Te kai whakahaere o te Papakāinga Te Kopua 3B2, “Te tino kaupapa, kia hoki mai ngā whānau ki tō rātou ake haukainga, me kī, he aha rā te wāhi mō to ahikā? ko te tangata, kāore tāea e te tangata e noho i runga te whenua me kore he whare.  Na, ka hanga nei he whare, ka puta mai ngā tangata, ka ora anō tō mātou hapū.”

I te wā o te pakanga tuarua o te ao, i murua ō rātou whenua, ka turaki te papakainga tuatahi, hei papataunga waka rererangi mō te ope tauā. Nō te tau whitu tekau mā waru, i kōkiri ai te kuia o Aubrey, nā Tuaiwa Rickard te whawhai porotēhi kia hoki mai te whenua i riro atu.  A, whakahokia te whenua i te tau whai muri atu.

Hei tā Forbes, “He kore ngā whare mō te iwi Māori.  Nā mātou e tono mai ki ngā kaumātua, nā mātou te whenua nei.  Na, kei runga i te whenua ngā ragwood me ngā gorse mā.”

Mō te wāhanga tuarua o te Papakainga,  Ka hanga ngā kainga reti hou e whā, ko tētehi o ngā whare ka tū i te whenua ki muri i ahau, hei ngā tau ruarua nei.