Whakāturanga toi ki te ao

Kua toru tau te Ahurei Toi o Tāmaki Makaurau e noho tārewa ana, heoi i tēra wiki kitea ai tōna hokinga mai. Tua atu i ngā Whare Whakaatu Toi mai i Aotearoa nei, i whakakao mai ngā whare toi Ahitereiria, Santiago, me te Moananui a Kiwa.

Ko Aaron Kereopa no Tainui e whakātu ana i āna mahinga toi, he whaikairo papareti huka tētahi o āna mahi.

Hei tāna, "he tino hōnore mōku ki te tū ki waenga i ngā tohunga toi o te ao Māori, o te ao whānui"

He mahi raranga tēra e ngākaunuitia ana e Alexis Neal o Te Āti Awa, me tōna whakapono ano ki tōna tino waimaria ki te whakātu i āna taonga ki tēnei huihuinga nunui.

Ko te whakaatu i ngā toi Māori ki te ao, te mea nui mō ngā ringatoi Māori otirā, mā ēnei momo huihuinga e kitea ai te whakawhanaungatanga, ā, mā tērā e tūhonohono ai ki ngā mātanga toi o te ao.

E hia manomano tāngata i tae ki Te Kapua i Tāmaki i ēnei rā whakatā, ā i mutu atu te Ahurei Toi o Tāmaki i te Rātapu.